غزل و رباعی از شاه ظهیرالدین محمد بابر

شاه و شاعر ظهیرالدین محمد بابر تولدی نینگ 537 ییللیگینی صمیمی تبریکلب، اوشبو مناسبت بیلن حضرت بابر ایجادیدن تۉرت غزل و تۉرت رباعی نشر اېته‌میز.

                                                      اولوس هفته‌لیگی

غزللر      

 

ساچی نینگ سوداسی

ساچی نینگ سوداسی توشتی باشیمه باشدین ینه،

تیره بۉلدی روزگاریم اول قرا قاشدین ینه.

مېن خود اول طفل پری وشغه کۉنگول بېردیم، ولی،

خان و مانیم ناگهان بوزولمه‌غَی باشدین ینه.

یوز یامانلیغ کۉروب اندین تېلبه بۉلدونگ ای کۉنگل،

یخشیلیغنی کۉز توترسېن اول پریوشدین ینه.

تاش اورر اطفال مېنی اوییده فارغ اول پری،

تیلبه‌لردېک قیچقیرورمېن هر زمان تاشدین ینه.

ایاغیم یېتگونچه بابردېک کېتر اېردیم نېتی،

ساچی نینگ سوداسی توشتی باشیمه باشدین ینه.

 

یار تاپمه‌دیم

جانیمدین اۉزگه یار و فادار تاپمه‌دیم،

کۉنگلومدین اۉزگه محرم اسرار تاپمه‌دیم.

جانیمدېک اۉزگه جاننی دل افگار کۉرمه‌دیم،

کۉنگلوم کېبی کۉنگولنی گرفتار کۉرمه‌دیم.

اوسروک کۉزیگه تاکه کۉنگول بۉلدی مبتلا،

هرگز بو تیلبه‌نی ینه هوشیار تاپمه‌دیم.

ناچار فرقتی بیلن خوی اېتمیشم نېته‌یی،

چون وصلیغه اۉزومنی سزاوار تاپمه‌دیم.

باری باره‌ی اېشیکیگه بو نوبت ای کۉنگول،

نېچه که باریب اېشیکیگه بار تاپمه‌دیم.

بابر اۉزونگنی اۉرگته کۉر یارسیز که مېن،

ایستب جهاننی مونچه قیلیب یار تاپمه‌دیم.

عشق اۉتی

اۉزنی کۉنگول عیش ایله توتماق کېره‌ک،

بیزنی اونوتگننی اونوتماق کېره ک.

عیش و طرب گلبنی‌غه سوو بېریب،

غصّه نهالینی قوریتماق کېره‌ک.

تیره دورور زهد دمیدین کۉنگول،

عشق اۉتی بیرله یاروتماق کېره‌ک.

هرنیمه گه غم یېمه غم کۉپدورور،

عیش بیله اۉزنی آووتماق کېره‌ک.

قۉیمه مشقـّت ارا بابر کۉنگول،

اۉزنی فراغت بیله توتماق کېره‌ک

 

یخشیلیغ

کیم کۉروبتور، ای کۉنگول، اهلِ جهاندین یخشیلیغ،
کیم که آندین یخشی یۉق کۉز توتمه آندین یخشیلیغ.

بو زماننی نفی قیلسم عیب قیلمه، ای رفیق،
کۉرمه‌دیم هرگز، نېتایین، بو زماندین یخشیلیغ.

دلربالردین یمانلیق کېلدی محزون کۉنگلومه،
کېلمه‌دی جانیمغه هیچ آرامِ جاندین یخشیلیغ.

ای کۉنگول، چون یخشیدین کۉردونگ یمانلیغ اسرو کۉپ،
اېمدی کۉز توتماق نې یعنی هر یماندین یخشیلیغ.

باری اېلگه یخشیلیغ قیلغیل که، موندین یخشی یۉق،
کیم دېگه‌یلر دهر ارا قالدی فلاندین یخشیلیغ.

یخشیلیغ اهلِ جهاندین ایسته‌مه بابر کیبی،
کیم کۉروبتور، ای کۉنگول، اهلِ جهاندین یخشیلیغ.

رباعیلر

 

فراق

هجران قفسیده جان قوشی رم قیله دور،

غربت بو عزیز عمرنی کم قیله دور.

نې نوع بیته‌ی فراق و غربت شرحین،

کیم کۉز یاشی نامه‌نینگ یوزین نم قیله‌دور.

 

غمیم

جسمیمده ایستمه کونده محکم بۉله دور،

کۉزدین اوچه دور اویقو چو آقشام بۉله‌دور.

هر ایکله‌سی غمیم بیله صبریمدېک،

بارغان سایی بو آرته دور اول کم بۉله دور.

 

غربت

یاد اېتمس اېمیش کیشینی غربتده کیشی،

شاد اېتمس اېمیش کۉنگلونی محنتده کیشی.

کۉنگلوم بو غریبلیقده شاد اۉلمه‌دی آه،

غربتده سېوینمس اېمیش البته کیشی.

 

وفا

هر کیم که وفا قیلسه وفا تاپقیسی دور،

هر کیم که جفا قیلسه جفا تاپقیسی دور.

یخشی کیشی کۉرمه‌گی یامانلیغ هرگز،

هر کیم که یامان بۉلسه جزا تاپقیسی دور.

نمایش بیشتر

هفته نامه اولوس

هفته نامه اولوس یکی از هفته نامه های فعال کشور در عرصه‌های سیاسی، فرهنگی، اجتماعی و اقتصادی است.

نوشته های مشابه

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *