اۉزبیک شاعری محمد رضا آگهی نینگ دیوانی نشر اېتیلدی

یقینده افغانستان شمالیده چاغداش اۉزبېک ایجادکارلریدن محمد رضا آگهی نینگ دیوانی مملکتده قۉل‌له‌نیله‌دیگن عرب یازوویده نشر اېتیلدی. دیوان، ایکی جلده مزارشریف شهریده، امید باسمه‌خانه‌سیده چاپ اېتیلگن. کتابنی سرپل ولایتی یوکسک تحصیل آلیش مرکزی نینگ اۉزبیک تیلی و ادبیاتی بۉلیمی اۉقیتووچیسی شاعر محمد یاسین اېلداش نشر گه تیارله‌گن. جناب اېلداش آگهی دیوانینی کریل یازوویدن عرب الفباسیگه بوندن تقریباً 30ییل آلدین پروفیسور فیلولوژی دوکتوری میر غلام کریموف تامانیدن تاشکېنتده باسیلگن نسخه‌سی اساسیده نشرگه تیارله‌گن.

آگهی دیوانی فقط 300 نسخه‌ده سرپل یوکسک تحصیل آلیش مرکزی اۉزبیک تیلی و ادبیاتی بۉلیمی نینگ بیر قطار محصللری مالیوی کۉمگی اساسیده نشر اېتیلگن.

آگهی دیوانی نینگ افغانستان نشری نینگ کیریش سۉزیده محمد یاسین اېلداش کتاب نینگ نشرگه تیارلنیشی همده دیواندن اۉرین آلگن آگهی ایجادیاتی نینگ کۉلَمی و سانی شونینگدیگ شعری شکللری حقیده قیسقه بیلگی بېره‌دی. کتاب نینگ مقدمه قسمیده کېلتیریلگن مقاله‌ده فیلولوژی فنلری دوکتوری پروفیسور غلام کریموف، اۉزبېکستانده خذمت کۉرستگن فن اربانی، ثبوتای دالیموف و فیلولوژی فنلری دوکتوری پروفیسور رحمت‌الله مجیدوف شاعر آگهی نینگ شرح حالی، ادبی فعالیتی، ایجادی، اثرلری و ترجمه‌لری باره‌سیده هر تامانلمه معلومات بېره‌دی.

دیوانده شاعر نینگ ا38 غزلی، 72 مخمسی، 3 مستزادی، 5 مسدسی، 2 تۉرتگلیگی، 3مثمنی، تۉرت ترجیعبندی، 37 قطعه‌سی، 74 رباعیسی، 10 تویوقی و 22 مثنوی‌سی، همه‌سی بۉلیب 613 پارچه شعری اۉرین آلگن.

آگهی دیوانینی نشر گه تیارله‌گن یاسین اېلداش بوندن آلدین هم اۉزبېکستان منبعلریدن “طاهر و زهره” داستانی، گدایی و امیر عمر خان دیوانلری همده اېرکین واحدوف نینگ “ارواحلر قۉزغلانی” ناملی ترجمه اثرینی کیریل یازوویدن عرب الفباسیگه اۉگیریب نشر اېتگن.

آگهی دیوانی نینگ افغانستان نشری مبلغ یېتیماوچیلیگی سبب آز سانده چاپ اېتیلگنیگه قره‌‌می تحسین لایق مهم بیر ایش بۉلدی. اوشبو کتابنی اۉزبېک ادبیاتی شیدالری و عزیز کتابخوان قۉلگه کیریتیب اۉقیشلرینی توصیه اېته‌من. عین حنالده کتاب آز سانده‌ باسیلگنی اوچون اوشبو دیوان شهرلر مرکزلری و اۉزبېک تیلی و ادبیاتی بۉلیملری موجود بۉلگن بیلیم یورتلری کتابخانه‌لریگه یېتکزیلیشینی نی ضرور دېب بیله من.

نمایش بیشتر

محمد عالم کوهکن

مدیر مسوول هفته‌نامه اولوس

نوشته های مشابه

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *